بصراحة برامج على سنوات الاخيرة في قناة الجماهيرية مريتش اسواء منها تفتقر إلى الإبداع وتفتقر إلى كل شئ أنا بصراحة مستغرب كيف يبتوها على قناة الجماهيرية الفضائية . في السابق كنا دائما ننتظر رمضان حتى نجلس جميعا نشاهد قناة الجماهيرية ونتابع مسلسلاتها لكن السنة هدي بصراحة أعمال السنة هدي سيئة جدا جدا جدا . عندك برنامج الكاميرا الخفية ( وسع بالك ) الوحيد برنامج ممتاز . مهزلة سنة 2006 اسمها ( صلاح الاحمر) لكن بقية البرامج لا ، وخاصتا برنامج ليمثل فيه (صلاح الأحمر) مش عارف شن اسمه هذا البرنامج بصراحة مهزلة ما بعدها مهزلة مريتش اسواء من هذا البرنامج من ثقل دم ومن ادوار تافها يمثل فيها وخاصتا في أدواره النسائية بصراحة شئ مضحك و مبكي مش عارف كيف داعوها وين الرقابة على هذه البرامج المهزلة لهده الدرجة مش قادرين نديروا برنامج متكامل . لو اخذوا كل هده الأعمال و مصاريف هذه الأعمال ودروها في عمل واحد لكان أحسن . وبرنامج جمال الحريري و معاه طفلة موهبة ، أنا هذا البرنامج مفهمتاش ابدآ يحكي قصة شن و شن الهدف منه أو الغرض منه . والمسلسل عن قصة الروائي الكبير علي مصطفى المصراتي بصراحة ما عندي منقول فيه غير ربي يسامحكم على هذه الأعمال . الكاميرا الخفية و برنامج الكاميرا الخفية الأول لاسمه على ما اعتقد ( العدسة الخفية ) بصراحة ما يضحكوش بالعكس يبكوا معقولة الكاميرا الخفية انك تمشي لشيباني كبير في السن وتجيب معاك الآلات هدم المنزل وتقوله بنهدملك بيتك وكان الشيباني في هديك اللحظة جاته الجلطة و إلا طاح مات تقوله بعدين تصور فيك الكاميرا الخفية تضحك شخص على حساب شخص . و يوم مادروا دعاية على البرتقالة لبسوا شباب ليبيين لبس على هيئة برتقالة خلوهم زى القرقوز مضحكة لجميع المشاهدين هذه كاميرا خفية . ويوم ما صوروا مشاهد في تونس إمتاع الدلاع في سنسله دهب خلوا الراجل يفلق في الدلاع مش الدلاع نعمة من الله في الناس في العالم مش لاقين ما يأكلوا وهما باش يضحكوا الناس عادي يفلقوا نعمة الله . وأحسن برنامج في رمضان على قناة الجماهيرية هو برنامج ( النجع ) وبرنامج ( حكايات البسباسي ) . والباقي دوة فاضية . والمسلسل عن قصة الروائي الكبير علي مصطفى المصراتي بصراحة ما عندي منقول فيه غير ربي يسامحكم على جريمة انه على المصراتي هذه الأعمال . جريمة انه على المصراتي وافقلهم انهم يمثلوها بالشكل هذا ... فرق بين السماء و الارض لما تقراله و لما تشوفهم امثلينها ... من هذا الزمان ...البرامج مسخرة و دوة فاضية ...كان ضحكو لبرنامج مرة ... يشدوه عشرة سنين و هما يحرثو يعاودو فيه لين تمل من نفس النمط و الروتين .... البرامج القديمة هي الاحلى ... زي النجع ... البسباسي ...بس وين قال صاحب العقل افتقدناه بصراحة ... بس بصراحة في برنامج اسمه ليبيات ... ابدعو فيه شوية ..يجي عالليبية .... يعني تقدر تقول نسخة من برنامج بقعة ضوء السورية ... تصوير رائع و حتى جينيريك السلسلة حلو ... و نقد ساخر و كوميديا محترمة مش زي هبال كافو و الكور و غيرهم .... لكن بصراحة برامجهم مثيرة للاشمئزاز ... العام الماضي مش عارف شنو خطر عليهم ينشبو في ارشيف الاداعة و يطلعونا بجزء جديد لبرنامج مكتب مفتوح .؟.. قرف الصراحة صلاح الشيخي في سلسلة مستورة و سريب الكورة ... والله شي يخليك تتحشم ...و الا عاد هذا اللي يمثل في روائع الكاتب الكبير على المصراتي ... شي مكسف .. حتى ع الماشي اللي يقلدو في البسباسي قرف .... و الا عاد الحاج حمد و الحاج مبروك ....سخافة بعينها ... ثقل دم ... مش عارف كيف نوصفهم خليك على برنامج بسمة الاطرش اللي مش عارف حتى شنو اسمه ... وحدة تبي روحها حتى هيا بمسلسلها الخاص مشو صورولها حاجة عخاطرها ... الكور و باقي المختشين اللي معاه .... في م الاخير ... من الاخير ارجوكم ارجوكم تتحشمو عوجوهكم و اللي هذا يشد مكانه و يعتزل .... خصوصاعماد قدارة و حافظ كوكو ... والنجمة امل نوري .... هي هكي .. مرة اضحك و وستين الف مرة تبكي ... .يا باسط و يا كافو ملينا منكم و من برنامجكم و من وجودكم المفروض علينا كل شهر رمضان.. بس باهي طلعتونا بوديان ..نوعا ما عندها مستقبل و تمثيلها تلقائي خليكم من الدعايات ......... طن الوفاء....  متع الشيباني اللي يلعب في الكورة .... عار معرعرو الا التثلات حوتات اللي يغنو  ... وااااااااااااااكالا في دعاية على بسكويت مش عارف شنو اسمه ..اللي فيها ولد صغير ..يقول عجباني ... تي جماعة الاداعة .. راقدين عودانهم ... ما يشوفوش في العالم كيف اتطور ؟ حتى الالوان متعهم تغم عالقلب .. توحي يستين عام حداد واكثر برنامج يحرق في الاعصاب امتاع المسخرة صلاح الاحمر يمشي يدفن روحه خير لكن يمكن في امل في قناة الليبية الفضائية برنامج وسع بالك ... عدسة خفية مصطنعة .. يعنى ما فيش واحد ما يعرفش إنه بيدرو معاه برنامج وسع بالك ... يعنى الكل على علم باللى صاير .. ولو تلاحظة ردات الفعل تقتنعو بروحكم .. انا حاكيهالى واحد مدايرنله الكاميرا الخفية ... هذا ملخص على بعض البرامج قناة الجماهيرية وهذا رأيي فيها وأكيد في كثير من الأعضاء يوافقوني الرأي وعندهم ما يزيدوا على هذا . وأكيد في أعضاء عاجبتهم الأعمال السنوات وعندهم ما يردوا عليا . | |
 تحياتــــــــــــىشكرا   __________________ليست مشكلتي إن لم يفهم البعض ما أعنيه.. فهذه قناعاتي .. وهذه افكاري .. وهذه كتاباتي بين يديكم .. أكتب ما أشعر به .. وأقول ما أنا مؤمن به.. وليس بالضرورة ما أكتبه يعكس حياتي الشخصية .. فهي في النهاية مجرد رؤيه لأفكاري... |
برامج رمضان هذه السنة على قناة الجماهيرية
فــــوفا- المساهمات : 83
تاريخ التسجيل : 23/06/2010
العمر : 61
